劲邪恶新品! 手工雪糕泡芙 + 流心玫瑰士多啤梨酱

对于香港人嚟讲，法式甜品真係一啲都唔陌生。焦糖布丁、马卡龙、柠檬挞……真係随口都讲到几个，不过好食嘅野，真係食极都唔厌！尖沙咀最近有好多新食店，今次为大家介绍嘅係自家製雪糕流心泡芙！净係见到雪糕加泡芙呢个组合就已经流哂口水，仲要係流心，真係好邪恶！姐妹们食咗先再减肥啦！

法式甜品Gelato x 泡芙

啱啱喺今年3月开张嘅 Owl’s Choux，主打手工Gelato、泡芙同咖啡，呢个意法风情crossover实在令人无法抗拒。佢自创嘅Gelato Choux 意大利手工雪糕配法式泡芙，不论係卖相、味道或口感方面都十分出众，因此非常受欢迎，见到唔少人已经喺intagram打卡！

Owl’s Choux自创嘅Gelato Choux 意大利手工雪糕配法式泡芙，不论係卖相、味道或口感方面都十分出众，因此非常受欢迎，见到唔少人已经喺intagram打卡！店内的Galeto Choux总共有4种口味，每种口味都配以不同味道既泡芙外层，较多人食嘅係Red Velvet 同Coffee and Oreo口味。

红色诱惑！限量Red Velvet 流心雪糕泡芙

口感微硬嘅Red Velvet 泡芙夹住香甜云尼拿雪糕，而雪糕入面更係成个甜品焦点所在－－流心玫瑰士多啤梨酱！呢个泡芙比较硬身，即使雪糕融咗都唔会影响本身口感，非常细心。云尼拿的甜度恰到好处，不会因为太甜而掩盖既清新又带有玫瑰香嘅士多啤梨酱。每日限量50个，想食就要早d去喇。

 

双重香浓满足 Coffee &Oreo雪糕泡芙

锺意食得浓d嘅朋友，就一定要试下呢一款，Coffee and Oreo。咖啡同Oreo味道非常夹，当香浓嘅咖啡味慢慢淡去，接住嚟嘅係Oreo饼碎嘅味道。雪糕淋上拖肥酱，加上爆谷，令到整个甜品口感丰富之余，味道香浓，食完成个泡芙，会有一种幸福嘅满足。

 

 

有时口痕想食嘢，但又唔想食得太多，呢个时候就最啱食一啲一啖食得哂嘅野， Owl’s Choux推出嘅法式小泡芙 “Choquette”（店主教大家读做 shu get）就最啱口痕嘅朋友喇。

一口的幸福 法式小泡芙

海盐焦糖法式小泡芙，外表小巧，令人可以一口一粒，过足口瘾。焦糖酱舖满泡芙外层，海盐嘅鹹味恰好中和咗焦糖嘅甜味。每盒有15粒，最啱同朋友分甘同味！

 

 

 

口味独特 手工Gelato

唔想食泡芙的话，可以另外叫雪糕，手工Gelato有6至8种味道选择，杏仁云呢拿、蓝莓乳酪、香蕉拖肥、咖啡oreo、朱古力曲奇、士多啤梨脆饼等等，味道特别之余，全部都係自家调製，一球雪糕$43，双球$68、三球$88。

即磨咖啡

而饮品方面，店内仲有香喷喷即磨咖啡卖。食完甜品，再配微苦咖啡中和返味蕾，简直係绝配组合。

 

虽然 Owl’s Choux 啱啱开舖无耐，但已经有唔少食客喺instagram到留低好评。

Owl’s Choux

地址：尖沙咀幺地道32号地下

电话：2889 8227

营业时间：星萌一至日 12nm-11pm